පුලතිසි පුරය වෙනුවෙන් පස් අවුරුදු පර්යේෂණ ව්‍යාපෘතියක්

Shiva_Dewalaya

ඓතිහාසික වටිනාකම් රැසකින් සමන්විත පොලොන්නරුව රාජධානියේ සංරක්ෂණය කළ යුතු සහ සංචාරක ක්ෂේත‍්‍රයට වැදගත් වන පුරා විද්‍යාත්මක ස්ථාන පිළිබඳ සොයාබැලීම වෙනුවෙන් මධ්‍යම සංස්කෘතික අරමුදල මගින් විශේෂ පස් අවුරුදු පර්යේෂණ ව්‍යාපෘතියක් ආරම්භ කර තිබේ.

ඒ යටතේ කරන ලද කැනීම් හරහා හඳුනාගත් ප‍්‍රදේශ පිළිබඳ තොරතුරු ඇතුළත් පළමු වර්ෂයේ වාර්තාව එංගලන්තයේ ඩරම් විශ්වවිද්‍යාලයේ මහාචාර්ය රොබින් කනින්හැම්  විසින් අධ්‍යාපන අමාත්‍ය අකිල විරාජ් කාරියවසම්  වෙත පිරිනැමීම 04 සදුදා සිදුවු බව රජය පවසයි.

පසුගිය වසරේ ආරම්භ කරන ලද මෙම පර්යේෂණ ව්‍යාපෘතිය මගින් පොලොන්නරුව ශිව දේවාල අංක 2 පර්යන්ත කලාපයේ සිට පැරණි නගරය කේන්ද්‍ර කරගත් කිලෝමීටර් 50ක සීමාවෙහි පුරා විද්‍යාත්මක කැනීම් කටයුතු දැනටමත් ක‍්‍රියාත්මක බව රජය වැඩි දුරටත් සදහන් කරයි.

0d2828afd8d6ade38524c4de703226eb_L

සංචාරක ක්ෂේත‍්‍රයෙහි පුළුල් අත්හදාබැලීම් සහ සොයාගැනීම් ලොව පුරා සිදුවන අවදියක, දේශීය සංචාරක ව්‍යාපාරය නගා සිටුවීමත්, සංස්කෘතික සංචරණය වෙත ජනතාව ආකර්ෂණය කරවීමත් අරමුණු කරගනිමින් මෙම ව්‍යාපෘතිය ක‍්‍රියාවට නංවා ඇති අතර, මේ යටතේ ක‍්‍රියාත්මක වන පුරා විද්‍යා පුහුණු වැඩසටහන මගින් පුරා විද්‍යා විශේෂ උපාධිධාරී සිසුන්ට සහ මධ්‍යම සංස්කෘතික අරමුදලේ පුරා විද්‍යා නිලධාරීන් වෙත විශේෂ පුහුණුවක් ලබාදීමට ද කටයුතු යොදා තිබේ.

එංගලන්තයේ ඩරම් විශ්වවිද්‍යාලයේ මහාචාර්ය රොබින් කනින් හැම්, ඉන්දියාවේ බරෝඩා විශ්වවිද්‍යාලයේ මහාචාර්ය ක‍්‍රිෂ්ණන් ගෝපාල්, නේපාල පුරා විද්‍යා දෙපාර්තමේන්තුවේ නිලධා‍රීන් සහ බංගලාදේශය, ඉන්දුනීසියාව යන රටවල් නියෝජනය කරමින් පුරාවිද්‍යාඥයන් පිරිසක් මෙම පර්යේෂණ කණ්ඩායමට එක්ව සිටි අතර අමාත්‍ය අකිල විරාජ් කාරියවසම්  විසින් ඔවුන් වෙත විශේෂ සමරු තිළිණ ලබාදීම ද මෙහිදී සිදුකර ඇත.

Related posts

Comments are closed.

Top