​බලෙන් බුදු පිළිම ඇටවීම බුදුන් පවා ප්‍රතික්ෂේප කළ දෙයක්: බාහු | VIDEO 

බලහත්කාරය යොදවා බුද්ධ ප්‍රතිමා ඉදිකිරීම බුදුන් වහන්සේ පවා අනුමත නොකළ කටයුත්තක් බව නව සම සමාජ නායකයා පවසයි.

 

 

බුදු දහම අදහන්නේ නැති බහුතර ජනකායක් වෙසෙන උතුරේ බුදු පිළිම පිහිටුවීම බුද්ධාගමටත් අවමානයක් බව නසසප නායක වික්‍රමබාහු කරුණාරත්න ප්‍රකාශ කළේ යාපනයේ එලුග තමිල් (දෙමළ පිබිදීම) රැළියේ ඉල්ලීම් වලට සහාය පල කරමිනි.
 ‘භාග්‍යමත් කාරණයක්’
හමුදාකරණයට, සිංහලකරණයට හා බුද්ධාගම්කරණයට එරෙහිව උතුරේ මහ ඇමැති සීවී විග්නේස්වරන් ගේ ප්‍රධානත්වයෙන් දියත් කෙරුනු දෙමළ බහුජන ව්‍යාපාරය ආචාර්ය වික්‍රමබාහු විසින් කොළඹදී මාධ්‍යවේදීන් හමුවේ හඳුන්වා දෙනු ලැබුවේ ‘භාග්‍යමත් කාරණයක්’ ලෙසිනි.
දකුණේත් උතුරේත්  බලවේග විසින් ජනවාරි අටවැනි දා මහින්ද රාජපක්ෂ පාලනය පෙරලා දමා පාදාගත් ඉඩ දෙමළ ජනතාවට තම අයිතිවාසිකම් වෙනුවෙන් ප්‍රජාතන්ත්‍රවාදී ලෙසින් අරගල කරන්නට අවස්ථාව සලසා දී ඇතැයි කී නසසප නායකයා ඒ ඉල්ලීම් වලට යුක්ති සහගත පිළිතුරක් දීම රජයේ වගකීමක් බව පෙන්වා දුන්නේය.

 


සිංහල ‘යටත් විජිත වාදයක්’
පාර්ලිමේන්තුවේ ඉන්නා දෙමළ ජාතික සන්ධාන නායකත්වය තමන් නියෝජනය කරන ජනතාව සම්බන්ධයෙන් ප්‍රමාණවත් මැදිහත්වීමක් නොකරන බවට ඇති පිළිගැනීම එලුග තමිල් වැනි දැවැන්ත නැගිටීමකින් විදහා දැක්වෙ බව ඔහු පවසයි.
‘බලහත්කාරයෙන් හමුදා බලය යොදවා ඉඩම් අල්ලා ගැනීම  කිසිසේත්ම සාධාරණ නැතැ’ යි කී ආචාර්ය වික්‍රමබාහු උතුරේ ඉඩම් සම්බන්ධයෙන් තීරණ ගැනීමේදී පළාත් සභාව නොතකා කටයුතු කිරීමෙන්   සිංහල නායකයන් යටත් විජිත වාදයක් ගෙනයන බවට චෝදනා ඉදිරිපත් වීම අනිවාර්ය බවට අනතුරු ඇඟවීය.

Related posts

Comments are closed.

Top