තහනම් අගමැති පදවියෙන් මහින්ද රාජපක්ෂ “ඉල්ලා අස්වෙයි”

මහින්ද රාජපක්ෂ

කුරුණෑගල දිස්ත්‍රික් පාර්ලිමේන්තු මන්ත්‍රීවරයා අගමැති ලෙස කටයුතු කිරීම වලක්වා ලමින් පනවා තිබු තහනම දිවයිනේ ඉහලම අධිකරණය විසින් විසින් තව දුරටත් දීර්ඝ කිරීමත් සමගම එම පදවි නාමය තව දුරටත් පාවිච්චි නොකිරීමට  මහින්ද රාජපක්ෂ තීරණය කර  තිබේ.

ශ්‍රී ලංකාවේ කෙටිම කාලයක් අගමැති වූ මහින්ද රාජපක්ෂගේ පුත්‍ර නාමල් රාජපක්ෂ මන්ත්‍රීවරයා  ප්‍රකාශ කර සිටියේ “ජාතියේ ස්ථාවරභාවය වෙනුවෙන් හිටපු ජනාධිපති මහින්ද රාජපක්ෂ  හෙට අග්‍රාමාත්‍ය ධූරයෙන් ඉවත්වන්නට තීරණය කළ”  බවයි.

“හිටපු ජනාධිපතිවරයා පොදුජන පෙරමුණ, ශ්‍රී ලංකානිදහස් පක්ෂය හා අනෙකුත් පාර්ශ්ව සමග එක්වී ජනාධිපති මෛත්‍රීපාල සිරිසේන සමගපුළුල් දේශපාලන පෙරමුණක් පිහිටුවීමට දැන් කටයුතු කරනු ඇත,” යනුවෙන් නාමල් රාජපක්ෂ ට්විටර් මගින් නිවේදනය කර ඇත.

ඔහුට ප්‍රතිචාරදක්වන එක්සත් ජාතික පක්ෂයේ පාර්ලිමේන්තු මන්ත්‍රී හර්ෂ ද සිල්වා පවසා ඇත්තේ එම ධුරයේ හිමිකමක්  මහින්ද රාජපක්ෂ මන්ත්‍රීවරයාට  නැති බවයි.

Mahinda Rajapaksa
t

මහින්ද රාජපක්ෂ ගේ “ඉල්ලා අස්වීමේ” අපේක්ෂාවප්‍රකාශයට පත් වූයේ ඔහු අග්‍රාමාත්‍ය පදවියේ රාජකාරි කිරීම වළකමින් අභියාචනාධිකරණයවිසින් පනවන ලද අතුරු තහනම අවලංගු කරන මෙන් ඉල්ලා, සමග ජනාධිපතිවරයා විසින් අමාත්‍ය ධූර වලට පත්කරන ලද මන්ත්‍රීවරුන් 49දෙනකු ඉදිරිපත් කළ අභියාචනය විභාග කිරීමට ශ්‍රේෂ්ඨාධිකරණය තීන්දු කිරීමෙන් අනතුරුවයි.

ඊවා වනසුන්දර සහ බුවනෙක අලුවිහාරේ යන විනිසුරු දෙපල විසින් ගන්නා ලද එම තීන්දුවට විජිත් මලල්ගොඩ විනිසුරුවරයා එකඟ වී නැත.

රනිල් වික්‍රමසිංහ ධුරයෙන් පහ කරමින් ජනාධිපතිවරයා විසින් අගමැතිකමට  පත් කරන ලද මහින්ද රාජපක්ෂ ඇතුළු මන්ත්‍රීවරුන් 49 දෙනකු අමාත්‍ය මණ්ඩලය ලෙස නිලතල දැරීමේ බලය විමසමින් මන්ත්‍රීවරුන් 122 ක් විසින් පවරන ලද ක්වෝ වොරන්ටෝ පෙත්සම විමසු අභියාචනාධිකරණය විසින් අතුරු තහනම් නියෝගය පනවන ලද්දේ දෙසැම්බර් තුන් වැනිදාය.

අග්‍රාමාත්‍ය ධුරයේ සිටිමින් ජනපති මනාපයෙන් පත්කළ කැබිනට් මණ්ඩලය සමග ආණ්ඩු කිරීමේ අරමුණින් මහින්ද රාජපක්ෂ ඉදිරිපත්කළ අභියාචනය  ලබන වසරේ ජනවාරි 16, 17 සහ 18 තෙදින විභාග කිරීමට ශ්‍රේෂ්ඨාධිකරණය තීන්දු කර තිබේ.

එම ඉල්ලීම අගවිනිසුරුවරයා වෙත යොමු කරන ලෙස විනිසුරු මඬුල්ල දැනුම් දී තිබේ.

එම ඉල්ලීම අගවිනිසුරුවරයා වෙත යොමු කරන ලෙස විනිසුරු මඬුල්ල දැනුම් දී තිබේ.

Related posts

Comments are closed.

Top